وزیر اعظم نے اپنے ایک ٹویٹ پیغام میں کہا ، "راجکوٹ کے ایک ہسپتال میں آگ لگنے سے جانوں کے ضیاع پر میں بہت غمزدہ ہوں۔" اس افسوس ناک حادثے میں اپنے پیاروں کو کھونے والوں سے میری تعزیت۔ میری دعا ہے کہ زخمیوں کی جلد صحتیابی ہوجائے۔ انتظامیہ حادثے سے متاثرہ لوگوں کی ہر ممکن مدد کر رہی ہے۔ "
قابل ذکر ہے کہ گجرات کے راجکوٹ شہر کے مالویہ نگر علاقے میں ، جمعرات کی آدھی رات کووڈ ہسپتال میں خوفناک آگ میں 5 افراد ہلاک اور 28 زخمی ہوگئے ہیں۔
یہ بھی پڑھیں:
گجرات: کووڈ وارڈ میں آگ لگنے سے 5 افراد کی موت
فائر ڈپارٹمنٹ کے اہلکاروں نے بتایا کہ فائر فائٹرز نے آگ لگنے کی اطلاع ملتے ہی چھ فائر بریگیڈ گاڑیوں کے ساتھ موقع پرپہنچ گئے۔ آگ بجھانے والے عملے نے آج صبح تقریبا چھ گھنٹے کی مشقت کے بعد آگ پر قابو پالیا۔ آگ لگنے کی وجوہات کا پتہ لگایا جا رہا ہے۔
