چھتیس گڑھ کے جشپور ضلع میں لودام تھانہ کے تحت جھارکھنڈ سرحدی گاؤں میں آج صبح مویشی اسمگلر پولیس کی ٹیم پر جان لیوا حملہ کرکے فرار ہوگئے۔اس حملے میں چیف کانسٹیبل اور چوکی انچارج بال بال بچ گئے۔
لودام تھانہ انچارج بھاسکر شرما نے بتایا کہ جانچ کے دوران ان بدمعاشوں نے مویشیوں سے لدی پک اپ گاڑی سے چیف کانسٹیبل کی دوپہیا گاڑی کو ٹکر مارکر بھاگنے کی کوشش کی تھی لیکن پولیس کی ٹیم نے جب ان تین بدمعاشوں کا پیچھا کر کے انہیں پکڑا تو نزدیکی گاؤں ٹانگرٹولی کی خواتین نے آکر تینوں حملہ آور بدمعاشوں کو بھگا دیا۔
پولیس نے بتایا کہ چھتیس گڑھ کے سرحدی ٹانگر ٹولی گاؤں میں پہلے بھی پولیس کی ٹیم پر تین بار حملہ کیا جاچکا ہے۔آج ہوئے اس واقعہ میں نئے معاملے میں جرم درج کرکے جانچ شروع کردی ہے۔
