عالمی وبا کورونا وائرس کی روک تھام کے لیے جہاں ملک بھر میں لاک ڈاؤن جاری ہے۔ وہیں ریاست بہار کے کیمور ضلع میں تعلیم کے بجائے اسکولی طلبا پب جی جیسے گیم میں اپنا پورا وقت ضائع کر رہے ہیں۔
لاک ڈاؤن نافذ ہوئے قریب 30 دن ہو چکا ہے۔ لوگ اپنے گھروں میں ہی محصور ہیں۔ لیکن بچے اپنے گھر کے علاوہ محلوں میں بیٹھ کر پب جی گیم کھیل رہے ہیں۔
یوں کہا جائے کے وقت گزارنے کے لیے بچوں اور نوجوانوں میں موبائل پر پب جی گیم کھیلنے کا رجحان بڑھا ہے۔ نوجوان چھوٹے چھوٹے گروپ بنا کر گھنٹوں بیٹھ کر پب جی موبائل گیم کھیلنے میں اپنا وقت صرف کرتے ہیں۔
وہیں اسی نوعیت کے دوسرے قسم کے موبائل گیمز میں نوجوانوں کے ساتھ ساتھ بچے بھی زیادہ مائل ہو رہے ہیں۔ گیمز کی طرف بڑھتے اس طرح کے رجحان سے بچوں اور نوجوانوں کے صحت پر مضر اثرات پڑ سکتے ہیں۔
گھنٹوں موبائل گیمز کھیلنے سے نہ صرف ذہنی اور جسمانی صحت پر مضر اثرات مرتب ہوتے ہیں بلکہ آنکھوں کی بینائی بھی اس سے متاثر ہوتی ہے۔
