کورونا وبا سے بچانے کے لیے ماسک تقسیم

ریاست بہار کے ضلع دربھنگہ میں عالمی وبا کورونا وائرس سے لوگوں کو بچانے کے لیے ایڈیشنل جج دیپک کمار نے علاقے میں گھوم گھوم کر ضرورت مندوں کے درمیان ماسک تقسیم کیا۔

دربھنگہ ضلع لیگل سروس اتھارٹی کے سکریٹری و ایڈیشنل جج دیپک کمار نے شہر کے کئی مقامات پر ضرورت مندوں کے درمیان ماسک تقسیم کیا۔

ٹیم کے ساتھ انہوں نے ریمانڈ ہوم جاکر وہاں کے ملازمین کے درمیان بھی ماسک تقسیم کرایا، اس دوران جیونائل جسٹس بورڈ کے جج اشونی کمار اور بورڈ کے کئی ممبران بھی موجود تھے-

اس دوران انہوں نے کورونا وائرس وباء سے احتیاط کے لئے لوگوں کو بیدار کیا، ساتھ ہی سماجی دوری بنائے رکھنے پر بھی زوردیا۔