اسکا لرشپ کے پروگرام میں ریاستی وزیر برائے اقلیتی امور خورشید عالم عرف فیروز احمد نے کہا کہ پری میٹرک پوسٹ میرٹ کم کے تحت ریاست کے صرف 45 سو بچوں کو اسکالر شپ دی جاتی ہے جو یہاں کے تکنیکی نصاب کے طلباء کی تعداد کے مقابلے صفر کے برابر ہے۔
انھوں نے مرکزی حکومت سے مطالبہ کیا کہ بہار کے اقلیتی طبقہ کے طلباء کے لئے میرٹ کم مینس اسکالرشپ کے کوٹہ میں اضافہ کیا جائے۔
اس پروگرام میں مرکزی وزارت اقلیتی امور کی جوائنٹ سکریٹری نیوا سنگھ نے ملک کے تقریبا آٹھ ریاستوں اور ریاست بہار کے مختلف اضلاع سے آئے نوڈل افسران سے ملاقات کر ان کی پریشانیاں سنیں، اور ان تمام پریشانیوں کو حل کرنے کا وعدہ بھی کیا۔
انہوں نے کہا کہ اسکالرشپ مستحق بچوں تک پہنچنی چاہیے اس سے قبل کئی طرح کی شکایتیں آتی تھیں۔ انہوں نے نوڈل افسران کی شکایت کے بعد کہا کہ ریاست اور ڈسٹرکٹ میں نوڈل افسران ہی طلبا کی فہرست تیار کر بھیجتے ہیں جس کے بعد اسکالرشپ کی رقم دی جاتی ہے۔
