تیجسوی یادو پر چپل پھینکے والا نوجوان کون ہے؟

بہار اسمبلی انتخابات 2020 کے لیے سیاسی پارٹیوں نے تشہری مہم تیز کر دی ہے، تمام جماعتوں کے اسٹار کیمپینرز تشہیری مہم میں مصروف ہیں، اس ضمن می تیجسوی یادو بھی اورنگ آباد اسمبلی حلقہ میں ریلی کے لیے پہنچے جہاں ان پر چپل پھینکی گئی۔

اورنگ آباد: بھابندی میں آج کانگریس کے امیدوار راجیش رام کے حق میں ووٹ مانگے پہنچے اپوزیشن رہنما تیجسوی یادو کے انتخابی جلسہ میں افراتفری اس وقت پھیل گئی جب اسٹیج پر بیٹھے تیجسوی یادو پر ایک معذور نوجوان نے چپل پھینکی۔

پہلی بار پھینکی گئی چپل تیجسوی کے بازو سے لگ کر گزر گئی، لیکن جب تک اسٹیج پر بیٹھے لوگ کچھ سمجھ پاتے تب تک چپل کی دوسری جوڑی تیجسوی پر پھینک دی گئی۔ جو براہ راست تیجسوی کے ہاتھ پر لگی۔ تاہم تیجسوی نے چپل پھینکے جانے پر کوئی خاص توجہ نہیں دی اور تقریر کرنے کے بعد وہاں سے چلے گئے۔

خیال رہے کہ بہار اسمبلی انتخابات 2020 کی تاریخوں کا اعلان ہوچکا ہے۔ تین مرحلے میں انتخابات ہوں گے، پہلے مرحلے میں 71 سیٹوں پر 28 اکتوبر کو ووٹنگ ہوگی، جبکہ دوسرے مرحلے میں 91 سیٹوں کے لیے 3 نومبر کو ووٹنگ ہوگی اور تیسرے مرحلے میں 78 سیٹوں کے لیے 7 نومبر کو ووٹنگ ہوگی ہے اور 10 نومبر کو نتائج کا اعلان ہوگا۔