ضلع میں کورونا وائرس کے دوران معمولات زندگی دوبارہ سے بحال ہونی شروع ہو گئی ہے۔ضلع میں لاک ڈاؤن کے گائیڈ لائن سے ڈرائیورز میں کافی مایوسی ہے۔ آپ کو بتا دیں کہ ضلع میں گزشتہ ڈھائی ماہ کے بعد آج سے سڑکوں پر ٹریفک دیکھنے کو مل رہا ہے۔ خاص طور سے بھبھوا میں لاک ڈؤان کے اعلان کے بعد ہی ای رکشہ سمیت آٹو رکشے چلانے پر پابندی لگادی گئی تھی، جس سے رکشہ ڈرائیورں کو کافی پریشانی کا سامنا کرنا پڑا لیکن حکومت نے اب رعایت دیتے ہوئے ریاست سمیت ضلع میں رکشا چلانے کی اجازت دی ہے۔
ایک آٹو رکشہ میں ڈرائیور کے ساتھ صرف دو مسافروں کو بٹھانے کا حکم دیا گیا ہے، جس سے رکشہ ڈرائیور کو مزید دشواریوں کا سامنا ہے۔ رکشہ ڈرائیور شرافت نے کہا کہ ہم نے رکشہ میں دو مسافروں کو بٹھا کر لے جانے کی شروعات کی ہے، ہم ماسک بھی پہن رہے اور سینیٹائزر کا استعمال کر رہے ہیں۔حکومتی گائیڈ لائن پر عمل کر رہے ہیں لیکن حکومت کو ہمارے تئیں زیادہ غور کرنے کی ضرورت ہے۔ایک دوسرے آٹو ڈرائیور جتیندر کا کہنا ہے کہ لاک ڈاؤن میں ہم نے جو زندگی گزاری وہ ناقابل برداشت تھی۔کھانے پینے کے لالے پڑ گئے تھے، در در بھٹکنے پر ہم مجبور ہوگئے تھے لیکن اب رکشہ چلانے کی اجازت دی گئی ہے تو ہم حکومت کا شکریہ ادا کرتے ہیں۔ ہم خوش ہیں کہ اب ہماری روزی روٹی کا بندوبست ہو سکے گا۔
انہوں نے مزید کہا کہ رکشہ چلانے کے دوران بھی ہمیں کافی پریشانیوں کا سامنا کرنا پڑ سکتا کیونکہ دو مسافر کو بٹھا کر ہم کیا کمائیں گے اور کیا کھائیں گے۔
