'خواتین کی توہین بی جے پی کا کلچر ہے'

بہار میں راشٹریہ جنتا دل (آر جے ڈی) قانون ساز پارٹی کی رہنما اور سابق وزیر اعلی رابڑی دیوی نے الزام لگایا کہ خواتین کی توہین کرنا بی جے پی کا کلچر ہے۔

آر جے ڈی کی رہنما نے مائیکرو بلاگنگ سائٹ ٹوئٹر پر ٹویٹ کر کے کہا’’بی جے پی کے کلچر میں ہی گالی گلوچ ہے ۔ خواتین کی توہین کرنے والے ان سنگھیوں (راشٹریہ سویم سیوک سنگھ) کو معلوم ہونا چاہئے کہ ان کی ہاف پینٹ فل پینٹ کس نے کروایا تھا‘‘۔
رابڑی دیوی نے کہا’’سنگھی شروع سے ہی خواتین مخالف رہے ہیں ۔ کبھی چوبے (بی جے پی لیڈر اشونی کمار چوبے) تو کبھی سشیل کمار مودی (بہار کے نائب وزیر اعلی) اور ان کے شاگرد خواتین کو گالی دیتے رہتے ہیں‘‘۔
واضح رہے کہ قانون ساز کونسل میں بی جے پی کے سینئر لیڈر اور نائب وزیر اعلی سشیل کمار مودی پر اپنے رسوخ کا استعمال کر کے لودھی پور میں مال بنائے جانے کے آر جے ڈی کے الزامات سے مچے تناو کے درمیان بی جے پی کے ترجمان پریم رنجن پٹیل نے رابڑی دیوی پرگزشتہ روز توہین آمیز تبصرہ کیاتھا۔