بھاگلپور مرکزی جیل میں قیدی کی موت

بہار کے بھاگلپور ضلع میں شہید جبا سہنی مرکزی جیل کے دو سزا یافتہ قیدی کی موت ہوگئی۔ پولیس ذرائع نے منگل کو یہاں بتایا کہ مرکزی جیل میں بند مہندر سنگھ اور وجے جھا کی طبیعت کئی دنوں سے خراب چل رہی تھی۔

پیر کی شام دونوں کی حالت بگڑنے پر انہیں جواہر لال نہرو میڈیکل کالج اسپتال میں داخل کرایا گیا جہاں کچھ گھنٹے کے بعد ہی علاج کے دوران دونوںقیدی کی موت ہوگئی ۔
ذرائع نے بتایا کہ گذشتہ مہینے انتظامی نقطہ نظر سے قیدی مہندر سنگھ کو بیگوسرائے اور وجے جھا کو بانکا ضلع جیلوں سے یہاں بھیجا گیا تھا۔ وہیں جیل انتظامیہ نے متوفی قیدیوں کے اہل خانہ کو اس کی اطلاع بھیج دی ہے ۔
ذرائع نے بتایاکہ ا س سلسلے میں ضلع انتظامیہ کی جانب سے تقرر جوڈیشیل مجسٹریٹ کی دیکھ ریکھ میں دونوں لاشوں کو پوسٹ مارٹم کیلئے بھیج دیا گیا ہے ۔