ملک میں کورونا وائرس متاثرین کے تعداد میں مسلسل اضافے کے پیش نظر بہار حکومت بھی اس وبا کے تعلق سے کافی مستعد ہے۔
ای ٹی وی بھارت سے بات کرتے ہوئے پٹنہ میونسپل کمشنر ہمانشو شرما نے بتایا کہ پٹنہ کی 3 سب سے بڑی سبزی منڈی راجندرنگر سبزی منڈی، میٹھا پور سبزی منڈی اور دیگھہ سبزی منڈی کو حکومت کے حکم کے فورا بعد بند کردیا گیا ہے۔
میونسپل کارپوریشن کے ذریعہ سبزیاں فروخت کرنے والوں کو دکانیں بھی مہیا کرائی گئی ہیں جبکہ غیر قانونی طور پر سبزیاں فروخت کرنے والوں کو وہاں سے ہٹا دیا گیا ہے اور انہیں حکم دیا گیا ہے کہ وہ شہر کے محلوں میں گھوم کر سبزیاں بیچ سکتے ہیں۔
واضح رہے کہ دارالحکومت پٹنہ میں کچھ سبزی منڈیاں سماجی دوری کی خلاف ورزی کرتے ہوئے شام کو جمع ہورہی تھیں۔ جس کی وجہ سے حکومت نے سبزی منڈیوں کو بند کرنے کا فیصلہ کیا ہے اور کہا ہے کہ اگر دوسری سبزی منڈیوں کی حالت یکساں رہی تو یہ بھی بند ہوجائے گی۔
