ایئرایشیا سے 174 مزدروں کو لایا گیا رانچی

کہیں مزدوروں کے نام پر سیاست ہو رہی ہے تو کہیں حکومت مزدوروں کو ان کے گھروں تک پہنچانے کے لیے پر عزم ہے، کورونا لاک ڈاؤن کے درمیان دوسری ریاستوں میں پھنسے مزدوروں کو ان کے آبائی وطن پہنچانے کا عمل بدستور جاری ہے۔

ریاست جھارکھنڈ کی حکومت تارکین وطن مزدوروں کو ان کے گھروں تک پہنچانے کے لیے ہر ممکن مدد کررہی ہے، مزدرو جلد از جلد اپنے گھروں تک پہنچ جائیں اس کے لیے ریاستی حکومت نے طیارے کے ذریعے تارکین وطن مزدوروں کو لانے کا عمل شروع کیا ہے۔

لاء کالج کے طلباء کے ذریعے کی گئی فنڈنگ اور ریاستی حکومت کی مدد سے ایئر ایشیا کے ذریعے 174 تارکین وطن مزدوروں کو رانچی لایا گیا۔

نیشنل لاء اسکول آف انڈٰا یونیورسٹی المنائی ایسو سی ایشن ساتھ ہی متعدد این جی اوز کی جانب سے ان مزدوروں کو ان کے گھروں تک پہنچایا گیا۔

ایسو سی ایشن کی ایک رکن پرینکا رامان کہتی ہیں ہے کہ 'ہم جانتے تھے کہ بہت سارے تارکین وطن مزدور ایسے ہیں جو سخت حالات میں زندگی گزار رہے ہیں، اور اپنے آبائی وطن جانے کے لئے بے چین ہیں، ہماری ایسوسی ایشن کے پاس تارکین وطن کی فہرست موجود تھی اور چونکہ ٹرین خدمات ایک مسئلہ بن چکا تھا، لہذا ہم نے انہیں ہوائی جہاز کے ذریعے بھیجنے کا فیصلہ کیا، ہوائی کرایے اور آمدورفت کے لئے تمام فنڈز کا بندوبست سابق طلباء ایسوسی ایشن نے کے ذریعے کیا گیا۔