آر جے ڈی صدر لالو یادو نے جمعہ کو سوشل نیٹ ورکنگ سائٹ ٹوئٹر پر اپنے منفرد انداز میں ٹوئٹ کر کے کہا کہ ”کا ہو نتیش۔ سشیل؟ اس کا دوش ہمیں نہیں دوگے کیا؟ شرم تو نہیں آرہی ہوگی اس کتھت سوشاسنی اور وگیاپنی سرکار کے لوگوں کو ؟“۔
اس کے فورا بعد لالو یادو کے چھوٹے بیٹے اور اسمبلی میں اپوزیشن لیڈر تیجسوی پرساد یادو نے بھی ٹوئٹ کر کے کہاکہ ” ملک میں پٹنہ کو گندگی میں نمبر۔1مقام ملنے پر 15 سالوں کے معزز وزیراعلیٰ نتیش کمار جی کو بہت بہت مبارک باد، چلیے 15 سالوں میں کہیں تو نمبر۔1 مقام حاصل کیا ہے “۔
غور طلب ہے کہ صفائی سروے 2020 میں بڑے شہروں کی فہرست میں پٹنہ ملک کے دس گندے شہروں میں نمبر ایک پر ہے ۔ وہیں دس لاکھ سے کم آبادی والے چھوٹے شہروں کے زمرے میں دس سب سے زیادہ گندے شہروں میں گیا پہلے مقام پر ہے جبکہ بکسر دوسرے، بھاگلپور چوتھے ، پرسا بازار پانچویں، بہار شریف نویں اور سہرسہ دسویں مقام پر ہے۔
