ریاست بہار کا کیمور ضلع ہیڈ کوارٹر ضلع انتظامیہ کی لاپرواہی سے گرین سٹی کی شکل میں ملی اپنی پہچان کو کھوتا جا رہا ہے۔
ایک وقت میں جہاں بھبھوا کا ہر ایک مکان خواہ پرائیویٹ ہو یا گورنمنٹ سب سبز رنگ کے رنگ و روغن سے جگمگا رہے تھے۔ لیکن اب دھیمے دھیمے یہ پہچان مفقود ہوتی جارہی ہے۔ اب نہ تو سرکاری عمارتیں نہ ہی پرائیویٹ مکانات سبز رنگ کے دکھائی دے رہے ہیں۔
ایک وقت تھا کہ سبز رنگ سے پینٹ مکان، دکان، سرکاری دفتر، ہر طرف سبز رنگ دکھائی دینے سے بھبھوا کی پہچان گرین سٹی کے طرز پر ابھری اور گرین سٹی کہا جانے لگا۔
بتا دیں کی سن 2014 میں موجودہ آئی اے ایس افسر اروند کمار کی بہتر سوچ سے بھبھوا کی پہچان گرین سٹی کے طرز پر ہوئی تھی۔ انہوں اپنے اس منفرد کام سے اس وقت پورے ہندستان کی میڈیا کا دھیان اس ضلع پر مرکوز کرایا تھا۔
جب تک ضلع میں اروند کمار بطور ڈی ضلع مجسٹریٹ تھے، تب اور ان کے تبادلہ کے کچھ سال تک عام لوگوں نے بھبھوا کو سبز رنگ سے بنائے رکھا۔ لیکن دھیمے دھیمے چاہے سرکاری مکانات ہوں یا پرائیویٹ مکانات سب پر مختلف اور من پسند رنگ نے اپنی جگہ بنا لی ہے، جس کے ساتھ بھبھوا کو ملی گرین سٹی کی پہچان اب ختم ہوتی جا رہی ہے۔
