ورندا کرات نے منگل کو یہاں ویبھوتی پور میں عظیم اتحاد کے ذریعہ حمایت شدہ سی پی آئی ۔ ایم امیدوار اجے کمار کی حمایت میں عوامی ریلی کو خطاب کرتے ہوئے کہاکہ نتیش حکومت میں جرائم اور بدعنوانی شباب پر ہے۔ انہوں نے کہاکہ اس بار اسمبلی انتخاب میں عظیم اتحاد کی لہر ہے اور نتیش حکومت جانی یقینی ہے ۔
سی پی آئی ۔ ایم پولت بیورو رکن نے کہا کہ مرکز کی مودی حکومت نے غریبوں اور کمزور طبقات کے مفادات کو نظر انداز کیا ہے اور اپنی مدت کار میں سرمایہ داروں کو فروغ دیا ہے۔ انہوں نے الزام لگایا کہ مودی حکومت کے زرعی اصلاحات قانون کسانوں کی کھیتی اور کھیت کو چھیننے والی ہے ۔
اس موقع پر کمیونسٹ پارٹی آف انڈیا ( سی پی آئی ) لیڈر کنہیا کمار نے الزام عائد کیاکہ وزیراعلیٰ نتیش کمار نے پندرہ سالوں کی مدت کار میں صرف سستی شہرت حاصل کی ہے اور نقل مکانی اور روزگار کو دور کرنے پر کوئی توجہ نہیں دی ۔ انہوںنے کہاکہ بہار کی عوام نے نتیش کمار کی قیادت والی قومی جمہوری اتحاد ( این ڈی اے ) حکومت کو اس انتخاب میں اکھاڑ پھینکنے کا من بنا لیا ہے ۔
اجلاس کو سی پی آئی کے ریاستی سکریٹر اودھیش کمار ، کانگریس کے ضلع صدر محمد ابو تمیم اور مہا گٹھ بندھن امیدوار اجے کمار نے بھی خطاب کیا ۔
