بہار کے گیا میں پنچایت الیکشن کے پانچویں مرحلے کی ووٹنگ پرامن ماحول میں شروع ہوگئی ہے۔ پولنگ بوتھس پر ووٹرز کی لمبی قطاریں دیکھی گئیں خاص طور پر خواتین کی بڑی تعداد کو ووٹ ڈالتے ہوئے دیکھا گیا۔ آج کرواں چوتھ کے موقع پر خواتین ’ورت‘ رکھتے ہیں جبکہ ان کی کوشش ہے کہ وہ اولین اوقات میں ہی حق رائے دہی کا استعمال کریں تاکہ بعد میں پوجا و دیگر کاموں کو انجام دیا جاسکے۔
آج پانچویں مرحلے کے دوران کسی بھی ناخوشگوار واقعہ کو روکنے کےلیے پولیس کی جانب سے سیکوریٹی کے سخت انتظامات کئے گئے ہیں۔
یہ بھی پڑھیں:
پٹنہ: کنہیا کمار، جگنیش میوانی، ہاردک پٹیل کا زبردست استقبال
واضح رہے کہ اس مرتبہ فتح پور بلاک کے 18 پنچایتوں میں تین ضلع پریشد کی نشستیں اور 18 مکھیا، سرپنچ و پنچایت سمیتی کے لیے ووٹ ڈالے جا رہے ہیں۔ یہاں مسلمانوں کی خاطر خواہ آبادی ہونے کے باوجود گذشتہ انتخابات میں مسلم نمائندگی بہت کم تھی تاہم اس بار مسلم نمائندگی میں اضافہ کی امید کی جارہی ہے۔
