ایس پی کیمور دلنواز احمد نے بتایا کہ پولس کو خفیہ رپورٹ ملی کے بھبھوا تھانہ حلقہ کے سکٹھی موضع میں کچھ شرپسند قسم کے لوگ کسی بڑی واردات کو انجام دینے کی غرض سے اکٹھا ہونے والے ہیں۔ بھبھوا پولس ڈی آئی او ٹیم کی قیادت میں اے ایس آئی سنجیت کمار کے ساتھ سکٹھی گاؤں روانہ ہوئی۔
پولس کی گاڑی جیسے ہی اخلاص پور موضع واقع اداسی دیوی ہائی اسکول کے پاس پہونچی تبھی سامنے سے آرہی بلیک رنگ کی اپاچی موٹرساٸکل سے دو لوگ آتے دکھائی دیے۔ موٹر ساٸکل پر سوار دونوں شرپسند پولس کو دیکھتے ہی موٹر ساٸکل کو موڑ کر سکٹھی موضع کی طرف بھاگنے ہونے لگے۔
قریب 8کیلومیٹر پیچھا کرتے ہوئے بھبھوا پولس نے جراٸم پیشوں کو آخر کار کافی مشقت کے بعد گرفتار کرنے میں کامیابی حاصل کی۔ جبکہ ایک فرار ہونے میں کامیاب رہا۔ گرفتار شخص کی پہچان خطرناک جراٸم پیشہ کندن پٹیل کے طور پر کی گئی۔
کندن سنگھ سکٹھی موضع کا باشندہ ہے۔ایس پی نے مزید بتایا کہ اس خطرناک جراٸم پیشہ پر ایک درجن سے زاٸد معاملہ بھبھوا اور چاند تھانہ میں درج ہے۔قتل،لوٹ،آرمس ایکٹ سمیت دیگر کئی معاملہ درج ہیں۔
کندن پٹیل کے پاس سے پولس نے شارٹ گن اور اپاچی موٹر ساٸکل ضبط کی۔پولیس کے مطابق کندن نے پوچھ تاچھ کے بعد بتایا کہ اخلاص پور بس اشٹینڈ کے پاس کسی بڑے واردات کو انجام دیے جانے کا پلان تھا۔ انہوں نے بتایا کہ جراٸم پیشہ شراب کے نشہ میں بھی چور تھا۔
