بہار کے نائب وزیراعلیٰ سشیل کمار مودی نے کہا کہ کیمور ضلع کے منڈیشوری دھام کرکٹ گڑھ اور رہتاس کے درگاوتی آبی ذخائر کو ایکو ٹورزم مقام کے طور پر فروغ دیاجائے گا۔
مسٹر مودی نے کیمور کے منڈیشوری دھام اور کرکٹ گڑھ اور رہتاس کے درگاوتی آبی ذخیرہ کے مقام کا معائنہ کرنے کے بعد کہا کہ ان تینوں مقامات کو ایکو ٹورزم مقام کے طور پر فروغ دیاجائے گا۔ انہوں نے مقام معائنہ اور ایک ٹورزم کے مختلف منصوبوں کاجائزہ لیا۔
نائب وزیراعلیٰ نے بتایا کہ منڈیشوری دھام میں مندر کے نیچے پانچ ہیکٹیئر میں ایک ٹورزم پارک کی توسیع کی جائے گی ۔ انہوں نے بتایا کہ وہاں تین جھرنے اور بوٹنگ کے لیے تالاب ، پارکنگ مقام اور بچوں کے لیے مختلف اقسام کے پارک بنائے جائیں گے۔
مسٹر مودی نے بتایا کہ اس کے ساتھ ہی کیمور کے کرکٹ گڑھ میں بہار کے سب سے اونچے دلکش آبشار کو دیکھنے کے لیے رشی کیش کے لکشمن جھولا کی طرز پر 70 میٹر لمبا ہینگینگ بریج کے ساتھ کنارے سے ایک نئے مقام کو فروغ دیاجائے گا۔ انہوں نے بتایاکہ یہ 80 میٹر لمبا اسٹیل کا ڈھانچہ ہوا میں نکلا اور گلاس سے ڈھکا ویو پوائنٹ ہوگا۔
نائب وزیراعلیٰ نے کہا کہ یہاں سے سیاح سامنے سے آبشار کے نظار ہ کو مختلف جہات سے دیکھ سکیںگے ۔یہاں دیگر سیاحتی سہولیات کے ساتھ ہی ایکو پارک بھی بنایاجائے گا۔ وہیں درگا وتی آبی ذخائر کے علاقہ میں بوٹنگ کی سہولیات ، راک کلائمنگ کے علاوہ شیر گڑھ قلعہ تک جانے کیلئے ٹریک اور ساتھ ہی جنگلی علاقہ کے اندر سے مشہور گپتا دھام جانے کیلئے تیس کیلومیٹر سڑک بنائے جائیںگے۔
واضح رہے کہ گزشتہ اسمبلی انتخابات میں سشیل مودی کی جانب سے ووٹرز کو ساڑیوں اور ٹیلی ویژنوں کی لالچ دینے کے لیے ایک مقدمہ درج کیا گیا تھا۔ اس معاملے میں پیشی کے لیے سشیل مودی کیمور کی عدالت میں پہنچے تھے۔
عدالت میں حاضری کے بعد نائب وزیر اعلیٰ نے متعدد سیاحتی مقام کا بھی دورہ کیا، جہاں انھوں شجرکاری بھی کی۔
اس موقع پر وزیر کانکنی برج کشور بند، بھبھوا ایم ایل اے رنکی رانی پانڈے، رامگڑھ ایم ایل اے اشوک کمار سنگھ۔، لوجپا صدر رام یش کشواہا کے علاوہ متعدد لوگ موجود رہے۔
سشیل مودی کے وکیل انوراگ پانڈے نے بتایا کہ سشیل کمار مودی کے مطابق 2015 میں آنند بھوشن پانڈے عرف منٹو پانڈے کے انتخابی ریلی میں لالچ دینے کے معاملے کے خلاف ارجن کمار سنگھ نے ضابطہ اخلاق کی خلاف ورزی کرنے کی عرضی دائر کی تھی۔ جس میں ان پر غریبوں میں دھوتی کی ساڑیاں تقسیم کرنے اور ہونہار طلبہ میں لیپ ٹاپ دینے اور رنگین ٹی وی تقسیم کرنے کا الزام عائد کیا گیا تھا۔
