ریاست بہار کے ضلع کیمور میں سبزی اور پھل کی قیمت بڑھنے کی اطلاع ملتے ہی انومنڈل افسر جنم جئے شکلا اور ڈی ایس پی اجئے پرساد سبزی منڈی پہنچ کر تاجروں سے میٹنگ کی۔ انہوں نے تاجروں کو صحیح قیمت پر سبزی اور پھل فروخت کرنے کی ہدایت دی۔
خبروں کے مطابق لاک ڈاؤن کو دیکھتے ہوئے اچانگ بھبھوا سبزی منڈی میں خریداروں کی بھیڑ امڑ پڑی۔ اس درمیان سبزی اور پھل فروشوں نے موقع کا فائد ٹھاتے ہوئے سبزیوں کی قیمتیں بڑھادی۔ دیکھتے ہی دیکھتے ہری سبزیوں کی قیمتوں میں 10 سے 20 روپے کا اضافہ درج کیا گیا۔ جس کی شکایت ایس ڈی او بھبھوا سے کی گئی۔
ایس ڈی او نے فوری اقدامات کرتے ہوئے ڈی ایس پی بھبھوا کے ہمراہ سبزی منڈی پہونچے اور سبزی و پھل فروش کے ساتھ میںٹنگ کی۔ ایس ڈی او نے مناسب قیمت پر سبزی اور پھل فروخت کرنے کی ہدایت دی۔ اور مال کو اسٹاک نہ کرنے کی سخت ہدایت دی'۔
انہوں نے سبزی فروشوں کو بتایا کی اس وقت ملک برے حالات سے گزر رہا ہے۔ ایسے حالات میں عوام ایک دوسرے کے ساتھ تعاون کریں۔ '
انہوں نے وائرس سے بچنے کی ہدایت دیتے ہوئے کہا کہ' بھبھوا میں لاک ڈاٶن کیا گیا ہے۔ اس میں انتظامیہ کے ساتھ تعاون کریں۔ مزید ایسے قدم اٹھانے سے گریز کریں جس کی بنا پر پولیس کو کارروائی کرنی پڑے'۔
ایس ڈی او کی ہدایت کے بعد سبزی و پھل فروشوں نے فوراً قیموں میں کمی کی'۔
