پولیس ذرائع نے یہاں بتایا کہ ضلع سارن کے کوپا تھانہ حلقے کے کوپا بازار میں سیوان سے چَھپرا میں ریلی کے لیے آنے والے سی پی آئی رہنما کنہیا کمار کی گاڑی پر حملہ کیا گیا ہے۔
اس حملے میں ان کے ساتھ چلنے والی گاڑیوں کو نقصان پہنچنے کے ساتھ ہی کئی افراد کے زخمی ہونے کی اطلاع ہے۔
کنہیا کمار 'جاگو جگاؤ، دیش بچاؤ' مہم کے تحت چھپرا میں عوام کو خطاب کرنے جارہے تھے۔ اس دوران کچھ شرپسند عناصر نے کنہیا کے قافلے نے حملہ کردیا۔
حالانکہ کنہیا کو کوئی چوٹ نہیں آئی ہے۔ اس سے قبل گوپال گنج میں ان کے خلاف گو بیک کے نعرے لگے تھے، ساتھ ہی ان کے پوسٹر پر کالیکھ بھی پوتی گئی تھی۔
ذرائع نے بتایا کہ اطلاع ملتے ہی موقع پر پہنچنے والی پولیس نے حالات کو قابو کرنے کے ساتھ ہی کمار کے قافلے کو اپنے حلقے سے آگے نکال لیا۔
