کیمور: شراب کے ساتھ اسمگلر گرفتار

کیمور میں پولیس نے انتخابات سے قبل چیکنگ مہم شروع کی ہے۔ اسی مہم کے تحت موٹرسائکل و 72 بوتل شراب کے ساتھ ایک ملزم گرفتار کیا گیا ہے۔

اسمبلی انتخابات کے پیش نظر ضلع پولیس سپرنٹنڈنٹ اور ضلع مجسٹریٹ کی ہدایت پر ضلع میں شراب اسمگلروں کے خلاف چلائی جارہی مہم میں محکمہ ایکسائز نے موہنیاں میں چیک پوسٹ کے قریب گہری چیکنگ کی۔

اس سلسلے میں انسپکٹر نرنجن کمار کا کہنا تھا کہ صبح آٹھ بجے ایک موٹرسائیکل کا پیچھا کیا گیا، وہ پولیس کو دیکھ کر موٹرسائیکل چھوڑ کر فرار ہونے لگا۔ اس درمیان فرار ہو رہے نوجوان کا انسپکٹر نے پیچھا کیا اور اسے گرفتار کر لیا۔ نوجوان کی شناخت رشی مونی نورپورہ موہنیاں کے نام سے ہوئی ہے۔ انہوں نے بتایا کہ 8 بجے کے قریب یہ کاروائی مکمل کی گئی، جس میں 72 بوتلیں پکڑی گئیں۔ گرفتار شخص کو جیل بھیج دیا گیا ہے۔