سون ندی میں ڈوبنے سے سات بچوں کی موت

ریاست جھارکھنڈ کے ضلع گڑھوا میں واقع سون ندی میں ڈوبنے سے سات بچوں کی موت ہوگئی۔ یہ سبھی بچے سون ندی میں نہانے گئے تھے۔

یہ واقعہ گڑھوا ضلع کے کانڈی تھانہ علاقے کا ہے جہاں آج صبح سات بچے سون ندی میں نہانے کی غرض سے گئے تھے جہاں ان کی ڈوبنے سے موت ہوگئی۔

موصولہ اطلاعات کے مطابق گاؤں کے لوگوں نے پانچ بچوں کی لاش کو ندی سے نکال لیا، دو بچوں کی لاش اب تک لاپتہ ہے، خبر ملتے ہی انتظامیہ کے افسران جائے واقعہ پر پہنبچ گئے، اس کے علاوہ بھاری تعداد میں پولیس کی نفری بھی وہاں موجود ہے۔