ہسپتال کی چھت سے چھلانگ لگا کر خودکشی

پولیس کے مطابق مریض کورونا متاثر ہونے کے باعث ذہنی تناؤ میں تھا، اس لیے اس نے ایسا قدم اٹھایا۔

دہلی سے متصل علاقہ نوئیڈا کے سیکٹر 27 میں واقع کیلاش ہسپتال میں کورونا وائرس سے متاثرہ مریض خودکشی کر لی ہے۔ مریض نے ہسپتال کی پانچویں منزل سے چھلانگ لگا کر خودکشی کرلی۔

قومی دارالحکومت دہلی کے شاہدرہ کے رہنے والے 51 سالہ سنیل گزشتہ 18 اپریل کو کورونا سے متاثر ہو گئے تھے۔ ان کا علاج کیلاش ہسپتال میں چل رہا تھا۔

جمعہ کے دن 51 سالہ سنیل نے ہپستال پانچویں منزل سے چھلانگ لگا دی۔ ہسپتال کا عملہ متاثر کو فوری ہسپتال کے اندر اٹھا کر لے آیا لیکن ڈاکٹروں نے اسے مردہ قرار دے دیا۔

پولیس ترجمان ابھینیندر کے مطابق ابتدائی تفتیش میں پتہ چلا ہے کہ مریض کورونا متاثر ہونے کے باعث ذہنی تناؤ میں تھا۔ گھر والوں نے بھی کسی طرح کی کوئی شکایت نہیں کی اور لاش کو اپنے ساتھ لے کر چلے گئے۔ پولیس آگے کی تحقیقات کر رہی ہے۔ یہ ہسپتال بی جے پی کے رکن پارلیمنٹ مہیش شرما کا ہے۔