کالخ معاملہ سے سماج وادی پارٹی کا کچھ بھی لینا دینا نہیں

اتر پردیش کے ضلع گوتم بدھ نگر نوئیڈا کے دادری میں میہر بھوج کے مجسمے پر پتھر کے کتبہ پر سماج وادی پارٹی کے ضلع نائب صدر شیام سنگھ بھاٹی اور ان کے حامیوں پر کالخ پوتنے کا الزام ہے۔ اب اس معاملے میں سماج وادی پارٹی کی طرف سے ایک بڑا بیان سامنے آیا ہے۔

نوئیڈا/ دادری: سماج وادی پارٹی کے ترجمان اور ضلعی صدر نے کہا ہے کہ اس کا اس معاملے سے کوئی تعلق نہیں ہے۔ یہ شیام سنگھ بھاٹی کا ذاتی فعل ہے۔ پارٹی اس کی حمایت نہیں کرتی۔ 2 اکتوبر کو منعقد ہونے والی راشٹریہ گرجر اجلاس کی میٹنگ میں سماج وادی پارٹی شرکت کرے گی۔ اس کے ساتھ ساتھ آگے کی پر حکمت عملی بھی طے کی جائے گی۔

سماج وادی پارٹی کے ترجمان راج کمار بھاٹی کے مطابق گوتم بدھ نگر کے ضلع نائب صدر شیام سنگھ بھاٹی نے ذاتی طور پر یہ کام کیا ہے۔ میرے خیال میں انہیں شہنشاہ میہر بھوج کے مجسمے کے کتبہ پر کالخ نہیں لگانا چاہیے تھا۔" پارٹی اس طرح کے کسی عمل کی حمایت نہیں کرتی ہے۔ ہم 2 اکتوبر کو راشٹریہ گرجر سمان سمیتی کی میٹنگ میں شرکت کریں گے۔ اس معاملے کے حوالے سے وہاں جو بھی فیصلہ ہوگا ہم اسے قبول کریں گے۔ یہ کام ذاتی طور پر شیام سنگھ بھاٹی نے کیا تھا۔ اس کی حمایت نہیں کرتے ہیں۔

سماج وادی پارٹی کے ضلعی صدر اندر پردھان نے کہا ، "سماجوادی پارٹی کا آج دادری میں جو کچھ ہوا اس سے کوئی لینا دینا نہیں ہے۔ شیام سنگھ بھاٹی نے پارٹی کے کسی لیڈر یا عہدیدار کو کوئی اطلاع نہیں دی تھی۔ انہوں نے خود یہ کیا۔ وہ خود اس کے ذمہ دار ہیں۔