اس میں کوئی شک نہیں کہ نوئیڈا کی ترقی میں نوئیڈا اتھارٹی کا کلیدی رول رہا ہے۔ لیکن یہ بینر دیکھ کر اندازہ لگایا جاسکتا ہے کہ نوئیڈا اتھارٹی کس قدر اس وقت بی جے پی کے زیر اثر ہے۔
اس وقت نوئیڈا اتھارٹی کا استقبالیہ (ریسپشن) دیکھ کر ایسا لگتا ہے کہ یہ نوئیڈا اتھارٹی کے دفتر کا ریسیپشن نہ ہو کر بھارتیہ جنتا پارٹی کا دفتر یا استقبالیہ ہے۔
بھارتیہ جنتا پارٹی کے کارکنان کا بس چلے تو پوری اتھارٹی کی عمارت پر ہی بھارتیہ جنتا پارٹی کا بینر چسپاں کر دیں۔ان تصاویر کو دیکھ کر ایسا بالکل احساس نہیں ہوتا کہ یہ نوئیڈا اتھارٹی کا ریشیپسن ہے۔ چاروں طرف سے بی جے پی کے مختلف بینروں سے اسے ڈھک دیا گیا ہے۔
اس طرح یوگی حکومت اپنے چار سالہ کارناموں کو بینرز کے ذریعے دکھا رہی ہے۔ عوام اپنے مسائل کے حل کے لئے نوئیڈا اتھارٹی آتے ہیں جہاں ان کا استقبال بھارتیہ جنتا پارٹی کے بینر کر رہے ہیں۔ کسی بھی آفیسر کی مجال نہیں ہے کہ وہ ان بینروں کو ہٹا دیں۔
اب دیکھنا یہ ہو گا کہ یہ ریسیپشن کب تک بی جے پی کے دفتر کی شکل لئے رہتا ہے۔
