نوئیڈا میں جرائم پر قابو پانے کے لیے ایس ایس پی کرشنا ویبھو کی ہدایت پر مختلف تھانوں کے تحت دھڑ پکڑ کی مہم جاری ہے۔ اس سلسلے میں میں تھانہ ایکسپریس وے کوتوالی کو بڑی کامیابی حاصل ہوئی جب پولس ٹیم نے سیکٹر 168 سے چار شاطر چوروں کو گرفتار کیا۔
گرفتار کیے گئے ملزمین میں سدھیر، سندیپ، نریش، اور سنیل ہیں۔ سی او سویتابھ پانڈے نے بتایا کہ پکڑے گئے ملزمین کافی شاطر قسم کے چور ہیں، جو آئے دن ہورہی وارداتوں میں شامل تھے۔
جن کے قبضے سے 13موبائل فون برآمد ہوئے جو مختلف مقامات سے چرائے گئے تھے۔ اس کے علاوہ دو چاقو، ایک طمنچہ، 315 بورہ بارود اور زندہ کارتوس بھی برآمد کیے گئے۔
پولیس کے مطابق شاطر چوروں کی پہلے بھی جرائم کی تاریخ رہی ہے۔ ایکسپریس وے تھانہ پولیس نے ملزمان کے خلاف مقدمہ درج کرکے جیل روانہ کر دیا ہے۔
