اتر پردیش کے ضلع گوتم بدھ نگر کے جیور کے ڈپٹی کلکٹر رجنی کانت نے کمیونٹی ہیلتھ سینٹر جیور میں اپنے عملے کے ساتھ کووڈ 19 کا ٹیکہ لگوایا۔ ان کے علاوہ کووڈ ۔ 19 کا ٹیکہ نائب تحصیلدار جیور بلندو بھوشن ورما نے لیا۔
کورونا کے دوران تمام افسران مستقل طور پر فرنٹ لائن پر اپنی ڈیوٹی سرانجام دے رہے تھے۔ اس موقع پر ایس ڈی ایم نے عوام سے اپیل کی کہ کووڈ 19 ویکسینیشن پروگرام کے دوران شیڈول کے تحت جن کے نمبرات آرہے ہیں وہ بلا تاخیر کووڈ 19 ویکسینیشن کے لئے مقررہ وقت پر پہنچ جائیں اور حکومت کے اس اہم پروگرام سے بھر پور فائدہ اٹھائیں، تاکہ کورونا جیسی مضر بیماری سے بر وقت نجات حاصل کی جا سکے۔
