نوئیڈا اتھارٹی کی چیف ایکزیکٹو افسر ریتو مہیشوری کا کہنا ہے کہ سیل شدہ علاقوں میں ہوم ڈیلیوری کی سہولت جاری رہے گی، اتھارٹی کے ذریعہ سوویدھا ایپ اور ہیلپ لائن نمبر بھی جاری کردیئے گئے۔
جہاں لوگوں کے فون کرنے کے بعد انہیں راشن، دوائیں، پھل، سبزیاں اور کھانا مہیا کیا جارہا ہے۔ بتا دیں کہ منتخب کردہ 22 ہاٹ اسپاٹ میں 16 اسپاٹس اتھارٹی کے علاقے میں آتے ہیں۔
کورونا وائرس کے مثبت مریض پائے جانے والے علاقوں کو ضلع انتظامیہ نے ہاٹ سپاٹ کے طور نشان زد کیا ہے، ایسی صورتحال میں نوئیڈا اتھارٹی ان تمام ہاٹ سپاٹ پر صفائی ستھرائی کا کام کرے گی۔
گوتم بود نگر ضلع انتظامیہ نے ایک مربوط کنٹرول روم بھی قائم کیا ہے، اس کا ہیلپ لائن نمبر 18004 19 2211 ہے، اس ہیلپ لائن نمبر پر کال کرکے ضروری اشیاء جیسے پھل، سبزیاں، دوائیں اور راشن منگوائے جا سکتے ہیں، مربوط کنٹرول روم سے تمام محکمے ایک ساتھ جڑے ہوئے ہیں، یہ کنٹرول روم آل ان ون ماڈل کے تحت قائم کیا گیا ہے۔
