بس گہری کھائی میں جا گری، 6 ہلاک

یہ حادثہ جموں و کشمیر کے ضلع ادھم پور سے تقریبا 30 کلو میٹر دور اس وقت پیش آیا، جب ایک بس سورینسر سے سرینگر جا رہی تھی۔

بس کے گہری اور تنگ کھائی میں گرنے سے 6 افراد ہلاک، جبکہ 40 زخمی ہوگئے۔ ہلاک ہونے والوں میں ایک خاتون بھی شامل ہے۔

ذرائع کے مطابق ڈرائیور کے بس پر قابو کھو دینے کے بعد بس پھسل کر نیچے کھائی میں گر گئی۔

تمام زخمی افراد کو علاج کے لیے جموں کے جی ایم سی میں داخل کرایا گیا ہے۔

ادھم پور کے ڈپٹی کمشنر ڈاکٹر پیوش سنگلا نے جانکاری دیتے ہوئے کہا کہا کہ اس حادثے میں ایک خاتون سمیت 6 افراد ہلاک ہو گئے۔