پولیس نے جمعہ کو بتایا کہ میسور ضلع کے ہیمیگے گاؤں کے چار نابالغ جمعرات کی دیر شام کاویری ندی میں تیرنے گئے تھے، تبھی ان کی ڈوبنے سے موت ہوگئی۔ ہلاک شدگان کی پہچان یشونت، مہادیو پرساد،کشور اور پاراشیو مورتی کے طورپر کی گئی ہے۔
پولیس کے مطابق یشونت اور مہادیو کی لاشیں برآمد کی گئی ہیں، جبکہ دیگر دو لاشیں تلاش کرنے کےلئے مہم چلائی جارہی ہے۔ مانڈیا ضلع میں ہوئے ایک دیگر حادثے میں کرشن راج ساگر باندھ کے نارتھ بینک گاؤں کے نزدیک مندر میں پوجا کرنےسے پہلے وشوسریئیا نہر میں تیرنے کے دوران ڈوبنے سے دو لوگوں کی موت ہوگئی۔ ہلاک شدگان بساویگوڑا اور سنے گوڑا بھی میسور کے ملی ناتھپورا کے رہنے والے تھے، دونوں کی لاشیں برآمد کرلی گئی ہیں ۔لاشیں ان کے گھروالوں کے حوالے کردی گئی ہیں۔
