مظفر نگر: مظاہرہ کے دوران کانگریس کارکنان کو پولیس نے حراست میں لیا

کسانوں کے بھارت بند کی حمایت میں مظفر نگر میں کانگریس کارکنان نے مظاہرہ کیا۔

ریاست اُتر پردیش کے ضلع مظفر نگر کے مرکزی چوراہے اہلیہ بائی چوک پر تین زرعی قوانین کے خلاف آج بھارت بند کے دوران احتجاجی مظاہرے میں پولیس نے کانگریسی کارکنان اور عہدیداروں کو حراست میں لے لیا۔

تین زرعی قوانین کے خلاف کسانوں کا دہلی کے بارڈر پر گزشتہ کئی روز سے احتجاجی مظاہرہ جاری ہے اور اس مسئلے پر حکومت کے ساتھ مسلسل میٹنگ کا دور بھی جاری ہے لیکن ان نشستوں سے اب تک کوئی حل نہیں نکل پایا ہے۔ اس کے باعث کسانوں نے 8 دسمبر کو بھارت بند کا اعلان کیا تھا۔

اسی سلسلے میں آج مظفر نگر میں الگ الگ مقامات پر مظاہرہ کیا جا رہا ہے۔

کانگریس کے کارکنان زرعی قوانین کے خلاف احتجاجی مظاہرہ کرتے ہوئے شہر کے مرکزی چوک پر پہچے جہاں پولیس نے اُنہیں حراست میں لے لیا۔