مظفرنگر میں کورونا کے 294 نئے کیسز

ریاست اترپردیش کے ضلع مظفرنگر میں کورونا وائرس کے آج 294 نئے کیسز کی تصدیق کی گئی، ساتھ ہی 87 مریض صحت یاب ہوئے اور اب تک 125 سے زائد مثبت مریضوں کی موت بھی ہو چکی ہے۔

ریاست اترپردیش کے ضلع مظفر نگر میں کورونا وائرس کے نئے کیسز میں مسلسل اضافہ ہورہا ہے، آج ضلع میں 294 مثبت کیسز ریکارڈ کیے گئے جس کے بعد کورونا کے مثبت مریضوں کی مجموعی تعداد 2005 ہوگئی۔

نئے کورونا کے مریضوں میں سے کچھ مریضوں کو بیگراج پور میڈیکل کالج مظفر نگر کے آئسولیشن وارڈ میں بھیجا گیا اور کچھ کو ہوم آئسولیٹ کیا گیا ہے۔

آج 87 مثبت مریض صحت یاب ہو کر اسپتال سے ڈسچارج بھی کیے گئے، جس کے بعد صحتیاب ہونے والوں کی تعداد 9257 ہوگئی ہے، جبکہ 125 سے زائد کورونا کے مثبت افراد کی موت بھی ہو چکی ہیں۔