لکھنؤ کے شہید اسمارک میموریل پارک کا نام اردو زبان میں غلط لکھے جانے کے معاملے میں مظفر نگر اردو ڈیویلپمنٹ آرگنائزیشن نے تشویش کا اظہار کیا اور ایک میمورنڈم لکھنؤ ڈیویلپمنٹ اتھاریٹی کے نام بھیجا ہے۔
تنظیم کے ضلع صدر کلیم تیاگی کی سربراہی میں نشست میں فیصلہ لیا گیا کہ ایک میمورنڈم لکھنؤ وکاس پرادھیکرن کے نام بھیجا جائے گا اور اسی کڑی میں آج ایک میمورنڈم لکھنؤ ڈیویلپمنٹ اتھارٹی کے نام بھیجا گیا۔
اس سے متعلق معلومات دیتے ہوئے اردو ڈیویلپمنٹ آرگنائزیشن کے مظفر نگر ضلع صدر کلیم تیاگی نے بتایا کہ ہمارے ذریعے ایک میمورنڈم لکھنؤ ڈیویلپمنٹ اتھاریٹی کی وائس چیئرمین کو اسپیڈ پوسٹ کے ذریعے ارسال کردیا گیا ہے۔
میمورنڈم دینے والوں میں کلیم تیاگی، تحسین علی، بدرالزماں خان، رئیس الدین رانا، ڈاکٹر سلیم سلمانی، شمیم، گلفام احمد، انجینیئر نفیس رانا اور افتخار تیاگی موجود تھے۔ انہوں نے کہا کہ اگر اردو میں نام کو ٹھیک نہیں کیا گیا تو آگے بھی ہم اس کے لیے آواز اٹھاتے رہیں گے۔
