مظفر نگر: کرناٹک کے کالجز میں حجاب پر پابندی کا معاملہ ہر گزرتے دن کے ساتھ پورے ملک میں طول پکڑ رہا ہے۔ ہندو تنظیم کے کارکنان کے ذریعے حجاب کے خلاف احتجاج کے دوران مظاہرین کا مقابلہ کرنے والی لڑکی کے ویڈیو سوشل میڈیا پر خوب وائرل ہو رہا ہے Hijab Row Karnataka۔
حجاب کے معاملے کو لے کر مظفرنگر کے علمائے دین نے ردعمل کا اظہار کرتے ہوئے چند اشعار کے ساتھ اپنی باتیں رکھیں ہیں۔
علمائے کرام نے کہا کہ حجاب ہماری ماں بہنوں کے لیے ضروری ہے۔ اس بچی نے جو حوصلہ دکھایا اور شجاعت اور بہادری کا مظاہرہ کیا، اس کی بہادری کو قاری محمد حذیفہ قاسمی نے سلام پیش کرتے ہوئے چند اشعار پیش کیے Muhammad Huzaifa Qasmi Muzaffarnagar ۔
ہر جگہ گونج برپا ہے تیری تکبیر کی
تیری آوازوں میں گویا دھار ہے شمشیر کی
تو نے ڈٹ کر کفر و باطل کا کیا جو سامنا
لاج رکھ لی تو نے پوری قوم کی توقیر کی
تیری جیسی بیٹیاں ہیں جب تلک اس ہند میں
فکر کی حاجت نہیں کفار کی تدبیر کی
تیرے عزم و حوصلے سے کانپ اُٹھا ہے جہاں
ہر کڑی ٹوٹی پڑی ہے کفرکی زنجیر کی
تو نے جب اللہ اکبر کی لگائی تھی صدا
قلب باطل پر لگی تھی چوٹ جیسے تیر کی
تو نے ثابت کردیا تو شیرنی کے مثل ہے
جب نا کی پروا تونے گیدڑوں کی بھیڑ کی
تجھ کو قاری کا سلام اے میری پیاری سی بہن
ہو نہیں سکتی ادا قیمت تیری تکبیر کی
مولانا محمد ندیم نے کہا کی حجاب کے تعلق سے جو کرناٹک میں ہماری بہنوں کو مشکلات آرہی ہیں، اس کے تعلق سے یہ کہنا چاہوں گا جو لوگ اس طرح کی حرکت کر رہے ہیں وہ بالکل غلط ہے۔
ہمارے ملک کا آئین ہمیں اجازت دیتا ہے کہ ہم اپنے مذہب کے مطابق اپنی زندگی کو گزاریں۔ حجاب کا اسلام میں اہم مقام ہے، یہ عورت کا زیور ہے۔
مزید پڑھیں:
انہوں نے مزید کہا کہ اسلام میں پردے کو بڑی اہمیت حاصل ہے۔ انہوں نے اس تعلق سے ایک شعر کے ساتھ اپنی بات رکھی۔
کفر دم توڑ دے ٹوٹی ہوئی شمشیر کے ساتھ
تم اگر نکل آؤ نعرہ تکبیر کے ساتھ
یہ بھی پڑھیں:
