ریاست اترپردیش کے ضلع مظفر نگر میں آج کلکٹریٹ کے احاطے میں بھارتیہ کسان یونین لوک شکتی کے کارکنان اور عہدے داران مظفر نگر کے دیہاتی علاقوں میں کورونا وبا کی وجہ سے ہو رہی ہلاکتوں اور بدحالی کو لے کر آج ایک میمورینڈم ملک کے صدر کے نام ضلع انتظامیہ کو پیش کیا۔
ریاست اترپردیش کے شہری علاقوں میں کورونا وبا کے کیسز میں کمی آئی ہے لیکن دیہاتی علاقوں میں ابھی مسلسل کیسز کا نکلنا جاری ہے، جن کی وجہ سے دیہاتی علاقوں میں کافی موتیں ہو رہی ہیں اور بیماریاں پھیل رہی ہیں۔
بھارتیہ کسان یونین لوک شکتی نے مطالبہ کیا کہ وائرل ٹائیفائیڈ، کھانسی اور ساتھ میں کورونا کی بیماری زیادہ پھیل رہی ہے اسلیے کووڈ-19 سنٹر کو گاؤں میں قائم کیا جائے۔
محکمہ صحت کی ٹیمیں گاؤں میں بھیجی جائیں۔ سینیٹائزیشن کرایا جائے، کورونا کی زیادہ سے زیادہ جانچ کرائی جائے، بیداری مہم چلائی جائے، جس سے کہ اس بیماری کے پھیلاؤ کو روکا جا سکے۔
