ریاست اترپردیش کے ضلع مظفر نگر میں کورونا وائرس متاثرین کی تعداد میں مسلسل اضافہ ہورہا ہے۔ آج بھی ضلع میں469 نئے مثبت کیسز ملے ہیں۔ راحت کی بات یہ ہے کہ 155 مثبت مریض صحتیاب بھی ہوئے ہیں۔ ضلع میں اب کورونا مثبت مریضوں کی تعداد 3 ہزار 44 ہو گئی۔
مظفر نگر میں اب تک135 سے زائد کورونا مثبت افراد کی موت بھی ہو چکی ہیں۔نئے مریضوں میں سے کچھ کو بیگراج پور میڈیکل کالج مظفر نگر کے آئسولیشن وارڈ میں بھیجا گیا اور کچھ کو ہوم آئسولیٹ کیا گیا ہے۔
میڈیکل کالج سے تقریباً 9 ہزار 609 متاثرہ افراد کو صحت یابی کے بعد گھروں کو لوٹ چکے ہیں۔
