ریاست اتر پردیش کے ضلع مظفر نگر میں ضلع کلیکٹریٹ پہنچے بھارتیہ کسان یونین 'بھانو' کے کارکنان نے مظفر نگر ضلع صدر اور سہارنپور منڈل صدر ساجد علی کی سربراہی میں کسانوں کے مختلف مسائل کو لے کر ایک میمورنڈم ضلع انتظامیہ کے ذریعے ملک کے وزیراعظم کے نام پیش کیا۔
اس میمورنڈم کے ذریعے انہوں نے کہا کہ بھارتیہ کسان یونین 'بھانو' آپ سے گزارش کرتا ہے کہ بھارتی کسانوں کے مختلف مسائل کو حل کریں۔
بھارتی کسان یونین تینوں زرعی قوانین پر بحث کرنے کے لیے تیار ہے، اس کے علاوہ سوامی ناتھن کمیشن کی سفارش کو نافذ کر کے ایم ایس پی کو قانونی حیثیت دی جائے تاکہ زرعی انفراسٹرکچر میں مزید اضافہ ہو سکے۔
پینشن سسٹم جسے حکومت نے ختم کر دیا ہے اسی طرح سیاسی رہنماؤں کی پینشن بھی ختم کی جائے اور ملک کے 60 سال سے زائد ہر شہری کی پینشن بحال کی جائے۔ ان تمام مطالبات کو لے کر بھانو کارکنان نے ایک میمورنڈم ضلع انتظامیہ کو وزیر اعظم کے نام پیش کیا۔
