ریاست اتر پردیش میں کورونا کے بڑھتے ہوئے پھیلاؤ کے مدنظر ریاستی حکومت نے ریاست میں دس مئی تک لاک ڈاؤن نافذ کیا ہوا ہے۔ مظفر نگر میں بھی کورونا مثبت مریضوں کا نکلنا مسلسل جاری ہے۔ اس کے سبب مظفر نگر ضلع انتظامیہ ہر وہ ممکن کوشش کر رہا ہے، جس سے اسے بڑھنے سے روکا جا سکے۔
ویڈیو
ضلع کے تمام مرکزی چوراہوں پر پولیس انتظامیہ مستعد ہے۔ کسی کو بھی لاک ڈاؤن کی خلاف ورزی نہیں کرنے دی جارہی ہے۔ سبھی مذہبی مقامات پر معاشرتی فاصلے کے ساتھ کورونا گائیڈ لائن پر عمل آوری کرتے ہوئے عبادات کرنے کی اجازت دی گئی۔ جس کی وجہ سے آج الوداع جمعہ کی نماز بھی حکومت کی بتائی گئی گائیڈ لائن کے مطابق معاشرتی فاصلے کے ساتھ ادا کی گئی۔ اس کے علاوہ ملک میں پھیلی کورونا وبا کے خاتمے کے لیے لیے خصوصی دعائیں بھی کی گئی۔
