بھیونڈی: سڑک حادثے میں نوجوان ہلاک

مہاراشٹر کے دارالحکومت ممبئی سے متصل بھیونڈی شہر میں واقع ونجار پٹی ناکہ پر ہوئےسڑک حادثے میں نوجوان کی درد ناک موت ہوگئی۔ یہ منظر سی سی ٹی وی میں قید ہوگیا۔

تفصیلات کے مطابق بھیونڈی شہر کے ونجارپٹی ناکہ میں واقع سراج ہسپتال کے نزدیک ایک تیز رفتار ٹرک کے پہیے کے نیچے آنے کے سبب نوجوان کی موت ہوگئی۔

ہلاک نوجوان کی شناخت ذیشان محمد حنیف انصاری (28 برس ) کے طور پر ہوئی جو پیشہ سے ٹیلرتھا، دیر شام موٹر سائیکل پر شیواجی چوک سے اپنی رہائش گاہ کی طرف لوٹ رہا تھا۔ جیسے ہی وہ سراج ہسپتال کے قریب پہنچا، ٹرک کو اوورٹیک کرتے ہوئے آگے بڑھ رہا تھا، کہ رفتار تیز ہونے سے اس کا توازن بگڑ گیا اور وہ ٹرک کے پیہے کے نیچے آگیا اور موقع پر ہی اس کی موت ہوگئی۔ حادثہ کی اطلاع موصول ہوتے ہی نظام پورہ پولیس اسٹیشن کی ٹیم نے فوراً جائے حادثہ پہنچ کر لاش کا پنچنامہ کر پوسٹ مارٹم کے لئے آئی جی ایم ہسپتال بھیج دیا، اور ٹرک ڈرائیور کے خلاف مقدمہ درج کرکے اسے گرفتار کرلیا گیا ہے۔