موصوف نے اس موقع پر سی اے اے، این آر سی، این پی آر، ای وی ایم اور دیگر سلگتے موضوعات پر رہنمائی کی۔ وامن مشرام نے کہا کہ ہم پورے بھارت میں موجودہ حکومت کی پالیسیوں کے خلاف عوامی بیداری پیدا کر رہے ہیں۔ انھوں نے بتایا کہ سی اے اے اور این آر سی کورونا وائرس سے بھی زیادہ خطرناک ہے۔
واضح رہے وامن مشرام کا ایک بڑے پیمانے پر احتجاجی جلسہ مالیگاؤں میں تھا۔ جسے کورونا وائرس اور حکومت کے حکم کے مطابق ملتوی کر دیا گیا لیکن وامن مشرام نے مالیگاؤں شہر کا دورہ کیا۔ انھوں نے شاہین باغ مالیگاؤں سے خطاب کیا اور دوپہر میں پریس کانفرینس میں میڈیا سے بات چیت بھی کی۔
راشٹریہ مسلم مورچہ کی جانب سے وامن مشرام کو مالیگاؤں مدعو کیا گیا تھا۔ راشٹریہ مسلم مورچہ کے قومی صدر مولانا عبدالحمید ازہری، مقامی صدر حاجی یوسف الیاس، کل جماعتی تنظیم کے رکن صوفی غلام رسول قادری اور دیگر ملی سماجی شخصیات کی جانب سے موصوف کا استقبال بھی کیا گیا۔
