مہاراشٹر کے دارالحکومت ممبئی کے شہر بھیونڈی کے مضافات میں غیر قانونی طور پر پتھر فروخت کرنے کا کام انجام دیا جا رہا ہے۔
حکومت اور ضلع انتظامیہ سے کسی طرح کی کوئی منظوری نہ لیتے ہوئے غیر قانونی طریقہ سے مافیا اس کاروبار کوانجام دے رہے تھے۔
غیرقانونی اسٹون کریشر کے خلاف موصول ہونے والی شکایت کے مد نظر تھانے ضلع کلکٹر راجیش نارویکر نے بھیونڈی پرانت افسر ڈاکٹر موہن نلدکر نے اسٹون کریشر مافیاؤں کے خلاف فوراً سخت کارروائی کرنے حکم دیا ہے۔
جس پر پرانت نے بھیونڈی تحصیلدار ششی کانت گائیکواڑ اور محصول محکمہ کی ٹیم نے بھیونڈی اور مضافات کے 90 اسٹون کریشرمشین کی تفتیش شروع کی۔
تفتیش سے پتہ چلا کہ آٹھ اسٹون کریشر ضلع انتظامیہ سے بغیر منظوری کے کاروبار چلارہے ہیں۔
ان آٹھ اسٹون کریشر مشین کو محصول کے افسران کی ٹیم نے مکمل طور سے سیل کردیا ہے۔
محکمہ کی اس کاروائی کے بعد سے غیر قانونی اسٹون کریشر مشین مافیاؤں میں زبردست کھلبلی مچی ہوئی ہے۔
