مہاراشٹر کے دارالحکومت ممبئی میں کرائم برانچ کی ٹیم نے ایک خاتون کی مسخ شدہ لاش برآمد کرنے کے پانچ ماہ بعد قاتل شوہر کو ریاست کیرالا سے گرفتار کیا ہے۔
کرائم برانچ کے ڈپٹی پولیس کمشنر دیپک دیوراج کے مطابق 29 مئی 2019 کو دیوا وسئی ریلوے ٹریک کے کنارے سے پولیس نے مسخ شدہ خاتون کی لاش برآمد کی تھی۔
شوہر نے ثبوت چھپانے کی غرض سے بیوی کا بڑی بےرحمی سے قتل کیا تھا، مگر مقتول خاتون کے پیروں کی پائل پر تمل زبان میں کچھ لکھے ہونے کی وجہ سے پولیس قاتل کو ڈھونڈنکالنے میں کا میاب ہوئی۔
مزید پڑھیں:' جب سے آنکھیں کھولی ہیں گولہ باری اور شیلنگ دیکھی ہے'
واضح رہے کہ اس لاش کا معمہ حل کرنے کے لئے پولیس نے دو ٹیمیں تشکیل دی تھیں۔
جن میں سے ایک ٹیم کو تامل ناڈو روانہ کیا تھا جبکہ وہیں دوسری ٹیم ملبار جیولرس دکان پر پہںچی۔
پولیس کی اطلاع کے مطابق ترونا ملائی شہر میں ملہار نامی جیولرس کی دکان ہے، جہاں سے زیادہ تر مسلم خواتین زیورات خریدتی ہے۔
پولیس نے مقتولہ کی لاش برآمد ہونے کے بعد اکسپرٹ کی مدد سے اسکیچ تیار کرکے اس کے پوسٹرس کو مختلف مقامات پر لگوا دیا۔
اسی دوران پولیس کو اطلاع موصول ہوئی کہ رادھاپورم نامی گاؤں کی رہنے والی صابرہ خاتون 16 مئی 2019 سے ممبئی کے پائدھونی علاقے سے لاپتہ ہے۔
جسکی گمشدگی کی شکایت اسکے اہل خانہ نے ممبئی کے پائیدھونی پولیس اشٹیشن میں درج کرایا ہے۔
جس کے بعد تھانہ کرائم برانچ نے معاملے کی تفتیش شروع کی، جس سے یہ پتہ چل سکا کہ اس خاتون کا نام صابرہ ہے اور وہ ممبئی میں کسی شخص کے ساتھ رہتی تھی ۔
تفتیش کے بعد پولیس کو پتہ چلا کہ صابرہ نے شوہر کے انتقال کے بعد اپنی دوسری شادی منصور شیخ نامی شخص سے کی تھی اور دونوں پائی دھونی میں کرائے کے مکان میں رہتی تھی. پولیس نے مزید تفتیش شروع کیا تو پتہ چلا کہ منصور شیخ گزشتہ پانچ ماہ سے لاپتہ ہے، پولیس کی ٹیم نے منصور کو تلاش کرنا شروع کیا تو معلوم ہواکہ وہ کیرالا میں روپوش ہے۔
پولیس کی ایک ٹیم جب کیرالا پہنچی اور منصور کو حراست میں لےکر اس سے پوچھ تاچھ کیا تو اس نے صابرہ کے قتل کا اعتراف کرتے ہوئے پولیس کو بتایا کہ صابرہ شیخ اس کی بیوی تھی۔
آئے دن نیا گھر لینے کے سلسلےمیں وہ اس سے جھگڑتی تھی، تنگ آکر اس نے نیا گھر دکھانے کے بہانے سے تھانے کے ڈوم بیولی لے گیا جہاں اس نے بیوی کا قتل کر کے لاش کو ریلوے لائن کے کنارے ٹھکانے لگا دیا۔
