ریاستی وزیراعلیٰ نے کہا کہ ممبئی میں شہریوں کے سفر کو آسان اور تیز بنانے کے لیے مزید منصوبوں پر عمل کیا جائے گا اور سنہ 2019کے آخر تک کئی راستوں پر میٹرو ٹرینیں چلنے لگیں گی۔
آج کے افتتاح کے بعد مونوریل جنوبی ممبئی کے جیکب سرکل اور شمال مشرقی علاقہ چیمبور کے درمیان صبح 6 بجے سے رات 10 بجے تک چلائی جائے گی۔
واضح رہے کہ مسافروں کو چیمبور اور جیکب سرکل کے درمیان سفر کے دوران 10 روپے، 20 روپے، 30 روپے اور 40 روپے فاصلہ کے مطابق دینا ہوگا حالانکہ چیمبور اور وڈالا کے درمیان کرایہ 5 اور11 روپے ہی وصول کیا جا رہا ہے۔
حال ہی میں چار مونو ریل بیرون ملک سے منگوائی گئی ہے اور اس طرح سے سات ٹرینیں خدمات انجام دیں گی۔
وڈالا ٹی ٹی سے جیکب سرکل کے درمیان گرو تیغ بہادر نگر،انٹاپ ہل، اچاریہ اترے نگر، وڈالا بریج، دادر، نائیگام،امبیڈکر، منٹ کالونی، لوورپریل اور جیکب سرکل واقع ہیں اور چیمبور ۔ جیکب سرکل کے درمیان فاصلہ تقریباً 19 کلومیٹر ہے اور17 اسٹیشن واقع ہیں۔ ہر 22 منٹ کے وقفہ سے ٹرین روانہ ہوں گی۔
