بی جے پی کی رہنما اور سابق ریاستی وزیر پنکجا منڈے کے فیس بک پوسٹ کے بعد ایکناتھ کھڑسے نے روہنی کھڑسے اور پنکجا منڈے کو پارٹی کے ہی کچھ لوگوں کے ذریعے ہرانے کی کوشش کرنے کا دعویٰ کیا ہے۔ اس کے علاوہ بی جے پی کے سابق رکن اسمبلی پرکاش مہتا کے بھی ناراض ہونے کی خبر ہے۔
بی جے پی کے رہنما آنجہانی گوپی ناتھ منڈے کی سالگرہ کے موقعے پر ایکناتھ کھڑسے اور مہتا کے شرکت کرنے کا امکان ہے اور پنکجا کی قیادت میں ایک نیا گروپ تیار ہونے کی بات کہی جا رہی ہے۔
اس کے ساتھ ہی سابق وزیر ببن راؤ لونیکر نے پنکجا سے ملاقات کی ہے۔
بی جے پی میں کچھ رہنماؤں کی جانب سے بغاوت کرنے کی خبریں گزشتہ چند روز سے گشت کر رہی ہیں۔
بی جے پی کے سینیئر رہنما ایکناتھ کھڑسے کی طرف سے کئی بار ریاستی قیادت پر نکتہ چینی کی گئی ہے۔ اس کے علاوہ شیوسینا کے رکن پارلیمان سنجے راؤت نے بھی یہ کہا ہے کہ پنکجا ہی نہیں بلکہ دیگر کئی رہنما بھی پارٹی کے رابطے میں ہیں حالانکہ چندر کانت پاٹل کی بیان کے بعد اس معاملے پر روک لگ گئی تھی لیکن آئندہ چند روز میں پنکجا منڈے کیا فیصلہ کرتی ہیں؟ اس پر سب کی نظر ہے۔
