کولہاپور: دیوار گرنے سے تین افراد ہلاک

ریاست مہاراشٹر کے ضلع کولہا پور میں زیرتعمیر دیوار کا ایک حصہ اچانک گر جانے سے تین افراد ہلاک ہوگئے جبکہ دو افراد شدید طور پر زخمی ہوئے ہیں۔

پولیس نے بتایا کہ پنہلا تحصیل کے کوڈولی گاوں میں لکھس روڈ پر ایک پرانی دیوار کی مرمت کی جارہی تھی۔ اس دوران سنیچر کی رات دیوار کا بڑا حصہ گر گیا اور پانچ مزدور اس میں دب گئے۔

پولیس اور گاوں والوں نے مل کر ملبہ سے دو مزدوروں کو نکال کر زخمی حالت میں وارنا اسپتال پہنچایا جبکہ دیوار کے مالک سمیت تین لوگوں کی دم گھٹ جانے سے موت ہوگئی۔

پولیس نے بتایا کہ مرنے والوں کی شناخت دیوار کے مالک مہیش وارکری، سکندر جمادار اور امول سداکالے کے طور پر ہوئی ہے۔ یہ تمام لوگ کوڈولی کے رہنے والے تھے۔