ممبئی اور ناگپور میں ای ڈی کے ذریعہ اور انیل دیشمکھ کی رہائش گاہ پر چھاپے مارے جانے کے بعد ان کے متعمدین سنجیو پالینڈے اور نجی معاون کندن شندے کو جمعہ کی رات گرفتار کیا گیا تھا۔ دونوں کو گرفتاری کے بعد ای ڈی کے دفتر لایا گیا۔
حکام نے بتایا کہ ملزمین کو آج بروز سنیچر ممبئی کی خصوصی پی ایم ایل اے عدالت میں پیش کیا جائے گا جہاں ای ڈی حراست سے متعلق پوچھ گچھ کے لئے ان کا ریمانڈ حاصل کرے گی۔
دیشمکھ اور دیگر کے خلاف ای ڈی کا معاملہ سی بی آئی کی ابتدائی تفتیش کے بعد سامنے آیا جس کا بمبئی ہائی کورٹ کے حکم کے بعد باقاعدہ اندراج کیا گیا۔
عدالت نے ایجنسی سے ممبئی پولیس کے سابق کمشنر پرم بیر سنگھ کے ذریعہ دیشمکھ کے خلاف رشوت ستانی کے الزامات کی جانچ پڑتال کرنے کو کہا تھا۔ اپریل میں اپنے عہدے سے استعفیٰ دینے والے دیشمکھ نے اپنے اوپر لگائے گئے الزامات کی تردید کی ہے۔
(یو این آئی)
