ممبئی میں مجموعی طور پر 69 بلڈ بینکس ہیں جن میں روزانہ 12 سے 15 ہزار یونٹ خون جمع ہوتا ہے مگر گرمی کی چھٹیوں کی وجہ سے بلڈ بینکس میں 5 ہزار یونٹ خون بھی بڑی مشکل سے جمع ہو رہا ہے جس کی وجہ سے شہر کے اسپتالوں میں خون کی کمی محسوس کی جا رہی ہے۔
انوپ کمار یادو، کمشنر اینڈ ڈائریکٹر، نیشنل ہیلتھ مشن، مہاراشٹر
برس میں ایک بار ملنے والی چھٹیوں میں کئی لوگ طویل مسافت طے کر کے دوسرے مقامات پر پہنچتے ہیں لیکن اس کا اثر اس طرح سے ہوتا ہے کہ خون کا عطیہ دینے والے لوگوں کی تعداد کم ہوتی جا رہی ہے۔
خون کی کمی کی وجہ سے کئی مشکل آپریشن کا وقت آگے بڑھانا پڑتا ہے لیکن ایمرجنسی حالات میں بڑی دقتوں کا سامنا کرنا پڑتا ہے اس لیے موسم گرما کی چھٹیوں کا لطف ضرور اٹھائیں لیکن بلڈ ڈونیشن کیمپ میں حصہ ضرور لیں۔ ہو سکتا ہے کہ اس سے کسی کی جان بچائی جا سکے۔
