مہاراشٹرا میں منادر کو بند رکھنے کے خلاف بی جے پی نے احتجاج کیا ہے، اس سلسلہ میں اورنگ آباد میں بی جے پی کارکنوں نے حکومت کے خلاف مظاہرہ بھی کیا۔ مذہبی مقامات کو دوبارہ کھولنے کے لیے بی جے پی ریاست بھر میں احتجاج کر رہی ہے۔
اورنگ آباد شہر میں احتجاج کے دوران رکن اسمبلی اتل ساوے نے کہا کہ اگر ریاستی حکومت مذہبی مقامات کو فوری طور پر نہیں کھولتی ہے تو بی جے پی کے کارکن خود مندروں کے دروازوں کو کھول دیں گے۔ کورونا وبا کے سبب مہاراشٹر کے تمام مذہبی مقامات پر تالے پڑے ہوئے ہیں جبکہ بی جے پی نے مندروں کے دروازے کھلوانے کے لیے گارکھیڑہ علاقے میں واقع گجانن مندر کے روبرو احتجاجی دھرنا دیا۔
اس موقع پر بی جے پی کے سینکڑوں کارکنوں نے احتجاج میں حصہ لیا۔ بی جے پی رہنماؤں نے مندروں کو فوری طور پر کھولنے کا مطالبہ کیا۔ اتل ساوے نے ریاستی حکومت کو دھمکی دیتے ہوئے کہا کہ اگر فوری طور پر مندروں کے دروازے نہیں کھولے گئے تو بی جے پی خود مندوروں کو کھول دے گی۔
یہ بھی پڑھیں:
اورنگ آباد: مسلمانوں کو ان کا حق دلانے کے لیے 'ونچت بہوجن اگھاڑی' کا احتجاج
واضح رہے اورنگ آباد شہر میں تمام مذہبی مقامات بند ہیں تاہم سیاحتی اور تاریخی مقامات کو عوام کے لیے کھول دیا گیا۔
