دیویندر فڑنویس کی اہلیہ امرتا نے نواب ملک کو نوٹس بھیجا

دیویندر فڑنویس کی بیوی امرتا نے ایک نوٹ میں کہا کہ نواب ملک گذشتہ کافی وقت سے اپنے ٹویٹس کے ذریعہ ان کے خاندان کے بارے میں توہین آمیز باتیں لکھ رہے ہیں اور ان کے سارے الزامات بے بنیاد ہیں۔

مہاراشٹر کے سابق وزیراعلی دیویندر فڑنویس کی اہلیہ امرتا نے جمعرات کو ریاستی وزیر نواب ملک کو کنبہ کی شبیہ خراب کرنے کے الزام میں قانونی نوٹس بھیجا۔

اس نوٹس میں انہوں نے اس بات کا ذکر کیا کہ نواب ملک گذشتہ کافی وقت سے اپنے ٹویٹس کے ذریعہ ان کے کنبہ کے بارے میں توہین آمیز باتیں لکھ رہے ہیں اور ان کے سارے الزامات بے بنیاد ہیں۔

اس سے پہلے نواب ملک کے داماد ثمیرخان نے جمعرات کو فڑنویس کو پانچ کروڑ روپے کا ہتک عزت کا نوٹس بھیجا تھا۔

یو این آئی