مہاراشٹر کے خطہ مراٹھواڑہ میں گذشتہ 24 گھنٹوں کے دوران کورونا وائرس کے 813 نئے کیسز سامنے آئے ہیں، جس کے بعد خطے میں کورونا متاثرین کی مجموعی تعداد بڑھ کر 41 ہزار 332 ہوگئی ہے۔
ذرائع کا کہنا ہے کہ پیر کی رات تک خطہ میں اس مہلک وائرس کی زد میں آنے سے 32 مریضوں کی موت ہوگئی، اس کے ساتھ ہی مراٹھواڑہ خطے میں اس وبا کی وجہ سے ہلاک شدگان کی مجموعی تعداد بڑھ کر 1 ہزار 297 ہوگئی ہے۔
مراٹھواڑہ علاقے میں اب تک لگ بھگ 26 ہزار افراد اس مہلک وائرس سے شفایاب ہوچکے ہیں، بقیہ مثبت مریض مختلف اسپتالوں اور کووڈ کیئر سنٹرز میں زیر علاج ہیں۔
خطہ کے مختلف ضلع ہیڈ کوارٹرز سے موصولہ اعداد و شمار کے مطابق اس عرصے کے دوران ضلع لاتور میں 243 کیسزدرج ہوئے اورآٹھ مریضوں کی موت ہوگئی۔
اس کے بعد پربھنی میں 61 کیسز اور دو اموات، ناندیڈ میں 81 کیسز اور دو ہلاک، عثمان آباد میں تین اموات اور 175 کیسز، ضلع بیڈ میں 104 نئے کیسز اور آٹھ افراد کی موت ہوگئی ہے، اس کے علاوہ ضلع جالنہ میں 76 اور ہنگولی میں 9 نئے کیسز اور ایک موت ہوئی ہے۔
