اترپردیش کے تمام اضلاع میں کورونا کے بڑھتے اثرات کو دیکھتے ہوئے حکومت نے اتوار کو لاک ڈاؤن کا فیصلہ لیا ہے۔ ضروری سہولیات اور ناگزیر حالات کو چھوڑکر کسی کو بھی باہر نکلنے کی اجازت نہیں جبکہ اتوار کے روز رامپور شہر کو سینیٹائز کرنے کا کام کیا جائے گا۔ اسی کے ساتھ ہی اگر کوئی شخص بغیر ماسک کے نظر آیا تو اس سے ایک ہزار روپے بطور جرمانہ وصول کیے جائیں گے اور اگر کوئی دوبارہ بغیر ماسک کے نظر آیا تو اس سے 10 ہزار روپے وصول کے جائیں گے'۔
پولیس کی جانب سے ماسک چیکنگ مہم بھی اب رفتار پکڑتی جا رہی ہے۔ آج پولیس نے رامپور کے بازاروں میں گھوم کر دکانداروں کے ماسک چیک کیے۔ جہاں ماسک نہ ہونے پر کئی دوکانداروں کے چالان بھی کاٹے، وہیں ایک دوران کی جانب سے چالان کی رقم نہ ادا کرنے کی وجہ سے پولیس اس شخص کو اپنی گاڑی میں بیٹھا کر تھانہ بھی لے گئی۔
دوسری طرف ضلع میں کورونا کا قہر بدستور جاری ہے۔ جمعہ کو آئی رپورٹ کے مطابق 95 نئے متاثرین کے ساتھ ہی ضلع میں کورونا مریضوں کی تعداد بڑھ کر اب 512 ہو گئی ہے۔ حالانکہ اس دوران 50 افراد شفایاب بھی ہوئے ہیں جنہیں آئسولیشن وارڈ سے چھٹی دے دی گئی ہے۔
